Kuzhe: Kundërshtarët t’i bëjnë mirë mirë llogaritë me Shqipërinë!

Trajneri i Shqipërisë, menjëherë pas miqësores së fituar në Mal të Zi, ka udhëtuar drejt Austrisë.

Trajneri i Shqipërisë, menjëherë pas miqësores së fituar në Mal të Zi, ka udhëtuar drejt Austrisë. Nuk ka preferuar të kthehet dhe të festojë në Tiranë, por të jetë në vendin e duhur, që të gjejë pika të dobëta të kundërshtarit në grup, në ndeshjen Bjellorusi-Honduras, luajtur në Austri, ndërsa më 3 qershor do të ndjekë Gjermani-Bosnjë, në Fraknfurt. Këtë gjë e pohon vetë Josip Kuže, trajneri kroat i Shqipërisë, i cili shton se “kundër Andorrës do të luajë një ekip i kombinuar me lojtarë veteranë dhe të rinj“, si një mundësi e mirë për të përzgjedhur kombëtaren e eliminatoreve në grup, mision që e ka nisur qysh në Podgoricë, në miqësoren e para pak ditëve me Malin e Zi. Ne kërkuam nga Kuzhe, si gjithnjë i gatshëm për të folur, edhe përmes celularit të tij, ta nisnim intervistën pikërisht nga miqësorja e fundit, me Malin e Zi.

- Zoti Kuzhe, së pari urime për fitoren që arritët në miqësoren me Malin e Zi…

- Unë jam shumë i kënaqur me lojën, por edhe rezultatin e kësaj miqësoreje, edhe pse nuk kishte vlera 3-pikëshe. Megjithatë, kur fiton në futboll, është gjithmonë bukur. Aq më tepër që fitorja u arrit në një mjedis jo fort mikpritës, sepse media në Mal të Zi kishte paralajmëruar edhe ndonjë trazirë të mundshme. Por, fatmirësisht asgjë nuk ndodhi dhe lojtarët e mi bënë atë që duhej.
- Eshtë interesante se trajneri i ri i Malit të Zi, një kroat si ju, Zlatko Kranjcar, debutoi para tifozëve malazezë kundër Shqipërisë…Dhe e mundët….
- Po, është e vërtetë. Unë fola me Ciron para dhe pas ndeshjes. Ai është në rrugën e duhur, në krye të Mali të Zi, për të ndërtuar një ekip të respektueshëm. Unë i uroj atij shumë fat në kualifikueset e ardhshme.
- Si e gjykoni këtë ndeshje?
- Ne e dominuam të gjithë ndeshjen. Përvec golit, kishim edhe shanse të tjera për të shënuar. Në anën tjetër, Mali i Zi nuk kishin asnjë shans. Megjithatë, duhet të kemi parasysh se ata nuk i kishin të gjithë lojtarët kryesorë, mes të cilëve Jovetić. Me këtë ndeshje, ne u kemi treguar të gjitha ekipeve në grupin tonë kualifikues, ua kemi bërë të qartë, se kundër Shqipërisë i prêt një punë shumë e madhe. Kundër nesh, askush të mos i bëjë llogaritë në letër, me laps, sepse fusha mund të tregojë të kundërtën. .
- Pas ndeshjes suaj miqësore me Malin e Zi, publiku këtu në Bosnje-Hercegovinë ka një opinion të ndryshëm, në lidhje me Shqipërinë…

- Kjo është puna juaj, ndërkohë që unë bëj llogaritë e Shqipërisë, që drejtoj. Eshtë e vërtetë që Bosnja ka cilësi të individëve, por ka edhe një grup të mirë. Megjithatë, të gjithë sot dinë të luajnë futboll, dinë t’i kundërvihen me efikasitet kujtdo kundërshtari. Sic bëra unë më parë, që shkova në Austri për të ndjekur nga afër Bjellorusinë, edhe ju mund të keni bërë, ose do ta bëni të njëjtën gjë me Shqipërinë, për të gjetur pikat e dobëta në lojën e ekipin tonë. Unë kam disa DVD nga ndeshjet e kaluara të Bosnjës. Megjithatë, unë po ju them se kam planifikuar një udhëtim më 3 qershor në Frankfurt, për të marrë më tepër informacione rreth cilësisë së ekipit aktual të Bosnjës. E cila do të testojë veten kundër një Gjermanie të fortë. E di se kolegu im, Sušić, në dispozicion do të ketë shumë lojtarë cilësor, por mbi të gjitha shqetësohem për Jack, Spahiç, Misimovic, Pjanic.
- Shqipëria luan miqësoren e dytë radhazi, në qershor, kundër Andorrës në Tiranë. Cilat janë pritshmëritë tuaja?
- Kundër Andorrës do të luaj me një ekip të kombinuar. Disa lojtarëve titullarë u kam dhënë leje dhe kanë nisur tashmë një pushim të merituar. Kundër Andorrës dua të shoh edhe një herë të gjithë lojtarët e tjerë, se sa seriozisht mund t’i llogaris për kualifikimet në vijim.

- Pra, lista që keni përpiluar për këto dy ndeshje miqësore, është edhe kontigjenti i kombëtares shqiptare për eliminatoret që nisin nga shtatori?

- Jo, sepse dyert e kombëtares janë të hapura gjithnjë për lojtarët e mirë. Unë kam një listë më të gjatë, ku përfshihen edhe disa lojtarë të rinj, që luajnë në klubet europiane. Pra, ndoshta edhe në shtator nuk do ta kem ende listën përfundimtare të lojtarëve që mund t’i llogaris për kualifikimet e ardhshme.
- A keni filluar mbledhjen e informacionit mbi rivalët e tjerë në grupin kualifikues për Europianin e radhës, pervec Bosnjës?
- Të gjitha të dhënat i kam në arkivat e mia. Megjithatë, nuk dëshiroj të flas më gjatë për këtë, në këtë kohë. Cdo gjë në kohën dhe vendin e duhur.
- Franca, besoj do t’ju vërë në vështirësi…

- Franca konsiderohet me të drejtë “koka” e grupit, ka shanset më të mëdha për t’u kualifikuar e para. Por, që të flasësh për këtë kundërshtar, duhet ta shikojmë njëherë në terren, në finalet e Kupës së Botës, pastaj se cfarë do të bëjë trajneri i ri, pas Domenekut.

Marrë nga gazeta boshnjake, “Dnevni Avaz“, 2010-06-02