De Biazi: Me Spanjen vetem mesojme

Trajneri i Kombetares flet dhe per miqësoren ndaj Gjeorgjise: Fituam disa lojtare te rinj

Trajneri i Kombëtares, Xhani De Biazi, theksoi se, pavarësisht humbjes 2-1 me Gjeorgjinë, në Tbilisi, Shqipëria kishte fituar disa lojtarë.

Deklaratën optimiste, italiani e bëri në aeroportin ndërkombëtar “Nënë Tereza”, menjëherë pas kthimit nga Gjeorgjia.



De Biazi: “Pavarësisht rezultatit, që ishte në disfavor të kombëtares sonë, lojtarët bënë një pjesë të parë për t’u pasur zili Në këtë miqësore them se fituam disa lojtarë të rinj”.


Shqipëria do të luajë një ndeshje miqësore në muajin maj me Spanjën, kampionen në fuqi të botës dhe Europës, dhe numri 1 në renditjen aktuale të FIFA-s.


Trajneri: “Nga miqësorja që do të luajmë me Spanjën, ne si kombëtare vetëm mund të mësojmë”.

Ndeshja do të luhet, më 30 maj në Zyrih të Zvicrës.

Me Spanjen, Shqipëria është ndeshur pesë herë në ndeshje zyrtare, duke pësuar po aq humbje.

Me spanjollet jemi mundur 9-0, më 19 dhjetor 1990, kur në stol ka qenë Agron Sulaj.


Në dhjetë ndeshjet e fundit, Kombëtarja ka fituar vetëm një, barazuar 2 ndeshje dhe humbur 7 takime, i fundit ai në Tbilis, më 29 shkurt 2012.


Për herë të fundit, Shqipëria ka fituar në ndeshjen miqësore me Malin e Zi (3-2, në Shkodër), më 10 gusht 2011, falë golave të Bogdanit, Hykës dhe Salihit.


Duke i klasifikuar sipas trajnerëve, Josip Kuzhe ka regjistruar në shtatë ndeshje: 1 fitore (Mali i Zi), 1 barazim (Rumani) dhe 5 humbje (Bjellorusi, Argjentinë, Francë, Luksemburg, Francë); Xhemal Mustedanagiç, 2 ndeshje: 1 barazim (Maqedoni) dhe 1 humbje (Azerbajxhan), dhe Xhani De Biazi, 1 ndeshje, 1 humbje (Gjeorgji).

Nisur nga kritieri zyrtare- miqësore, kemi këtë tablo: në pesë ndeshje zyrtare, kemi regjistruar katër humbje dhe një barazim (me Rumaninë), ndërsa po në pesë ndeshje miqësore, kemi regjistruar 1 fitore, 1 barazim dhe 3 humbje.



NDESHJET ME SPANJEN

Shqipëri-Spanjë 1-2 (El.Euro 1988)
Spanjë-Shqipëri 5-0 (El.Euro 1988)
Spanjë-Shqipëri 9-0 (El.Euro 1992)
Spanjë-Shqipëri 3-0 (El.Boterori 1994)
Shqipëri-Spanjë 1-5 (El. Boterori 1994)


Dhjetë ndeshjet e fundit

07/06/11, Tr. J.Kuzhe
Bosnjë-Shqipëri 2-0 (Zyrtare)

20/06/11, Tr. J.Kuzhe
Argjentinë-Shqipëri 4-0 (Miqësore)

10/08/11, Tr. J.Kuzhe
Shqipëri-Mali i Zi 3-2 (Miqësore)

02/09/11, Tr. J.Kuzhe
Shqipëri-Francë 1-2 (Zyrtare)

06/09/11, Tr. J.Kuzhe
Luksembug-Shqipëri 2-1 (Zyrtare)

07/10/11, Tr. J.Kuzhe
Francë-Shqipëri 3-0 (Zyrtare)

11/10/11, Tr. J.Kuzhe
Shqipëri-Rumani 1-1 (Zyrtare)

11/11/11, Tr. Xh. Mustedanagic
Shqipëri-Azerbajxhan 0-1 (Miqësore)

15/11/11, Tr. Xh. Mustedanagic
Maqedoni-Shqipëri 0-0 (Miqësore)

29/02/12, Tr. Xh. De Biazi
Gjeorgji-Shqipëri 2-1 (Miqësore)

albania-sport , 2012-03-02 10:00:55