Të rinj dhe senatorë, ja kush është ideja Kuzhe

Skela, Duro, Cana dhe Bogdani janë të nevojshëm. Të rinjtë? Ju tregoj se sa potencial kanë

Trajneri i përfaqësueses shqiptare është i bindur se skuadra e tij është tashmë një miks i ndërtuar mes lojtarëve veteranë dhe atyre të rinj. Trajneri ndërkoh i ka kthyer përgjigje dje dhe pyetjes se përse nuk rrezikoi shumë në Estoni.

Estonia – “Ju të gjithë më thoni që unë duhet të kisha provuar lojtarë të rinj për minuta të tëra, por unë dua të ndërtoj edhe fizionominë e skuadrës. Pastaj ne si grup kishim disa objektivat tanë në këtë miqësore. Pas ndeshjes në Suedi pashë një humor të tmerrshëm, lojtarë të dërrmuar sepse ata mendonin se kishin dhënë gjithçka. Unë nuk doja ti shihja më në atë gjendje. Por, nëse ne eksperimentonim shumë, ne rrezikonim ta humbisnim ndeshjen. Nuk besoj se kjo i shërben kujt. Gazetarët do të kishin pyetje më të këqija për të bërë në një rast të tillë. Unë pashë lojtarët që erdhën në këtë miqësore dhe u impenjuan shumë megjithëse ishte ftohtë dhe megjithëse nuk ishte një ndeshje kundër një kundërshtari të madh. Ata luajtën me përkushtim dhe gjithashtu u stërvitën kështu. Në fund të ndeshjes, lojtarët ishin të gëzuar. Mendoj se humori është rikthyer”.

Të rinjtë – “Mund të them që Hyka është një lojtar i rëndëisishëm në përfaqësues. E ka një individualitet të madh, madje në këtë ndeshje u përfshi shumë edhe në skuadër duke mos qenë fragmentar. Por, individualiteti që ai duhet të zhvillohet duke luajtur. Ai nuk luan fare në Bundeslgië dhe kjo nuk e ndihmon. As atë dhe as ne. Ndërkohë kemi Bakajn. Një futbollist gati të fituar. Nuk po them që do të jetë titullar, por mund të jetë pjesë gjithnjë e 18-es nëse ai vazhdon kështu. Në atë pozicion kemi nevojë për alternativa. Është një lojtar që krijon, por shpesh edhe mbron me grintë. Ndërkohë që Likën e kam vlerësuar për atë që ka bërë në aspektin difensiv, ndërkohë që ka ende shumë punë për të bërë në planin sulmues. Këta lojtarë do të rriten, megjithëse janë të rinj. Kanë një vit kohë për të qenë të rëndësishëm”.

Senatorët - Sipas Kuzhes nuk ka skuadë futbolli pa senatorë. “Nëse do të luaja vetëm me të rintjë, nuk do të ishte përfaqësuesja e parë e Shqipërisë. Ju më thoni përse nuk zëvendësova Duron dhe Skelën, por pse nuk i vlerësoni këta lojtarë që megjithëse janë në një moshë të madhe dhe kanë shumë vite që luajnë, vijnë e zhvillojnë një miqësore duke dhënë 100%. Në këtë pikë nuk ka diskutime, nëse do të jenë në formë lojtarët veteranë, do të vazhdojnë të luajnë në edicionin e ardhshëm. Nuk mund ta konceptojmë lojën tonë pa ato. Eksperienca është një element shumë i rëndësishëm për ne”.

Sport Ekspres , 2009-11-18 00:00:00