Duka: Harrojeni Greuth Furthin, na shikoni ndaj Suedisë!

Miqësoren e djeshme me skuadrën e Bundesligës 2 e ka ndjekur nga afër Presidenti i FSHF-së, Armand Duka, i cili nuk bazohet te rezultati i miqësores me Greuther Furth

Kreu i federatës do të qëndrojë pranë skuadrës deri ditën e ndeshjes, për t’u kërkuar futbollistëve kuqezinj impenjim maksimal me Suedinë. Pas përballjes me Greuther Furthin, Duka ka dhënë opinionin e tij rreth ndeshjes, por edhe për synimet e kuqezinjve në përballjen e fundit në “Rasunda”. “E ndoqa me interes këtë takim dhe mund të them se nuk ka qenë një ndeshje e mirë për skuadrën tonë. E them këtë jo duke u bazuar te rezultati, por te loja e futbollistëve. Ishte një miqësore që do t’i vlejë skuadrës para Suedisë,” - është shprehur kreu i federatës. Nuk do të jetë i lehtë përballimi i 90 munitave në stadiumin “Rasunda”. Për këtë janë të bindur të gjithë pjesëtarët në kampin kuqezi, aq më shumë presidenti i FSHS-së. “Me Sudinë duhet një marrsh tjetër. Ndeshja eliminatore kërkon impenjim shumë më të madh se në miqësoren me Greuther Furthin. Besoj që kjo humbje do t’i motivojë më shumë futbollistët për të dhënë maksimumin e mundshëm,” - ka vijuar Duka. Pas miqësores me Greuther Furthin, presidenti i FSHF-së ka qëndruar pranë ekipit dhe në orët e mbrëmjes ka ndjekur ndeshjen Danimarkë-Suedi (1-0). Kuptohet, vëmendja e Dukës, por dhe e stafit teknik, ka qenë te paraqitja e suedezëve, që do të jenë kundërshtarët tanë të radhës. “Është një ndeshje e fortë, që përcakton se cila skuadër do të kualifkohet, por neve nuk intereson shumë. Sepse ne kemi objektivat tona. Suedia është një skuadër shumë e fortë, por nuk duhet ta mbivlerësojmë. Duhet të tregojnë në fushën e saj vlerat më të mira të futbollit shqiptar. Ne kërkojmë rezultat pozitiv, por në ndeshje të tilla duhet të kesh edhe fatin me vete. Dhe nëse do të jetë kështu, mund të bëjmë gjëmën Suedisë,” - ka përfunduar kreu i Federatës Shqiptare të Futbollit, Armad Duka.

Shqipëria ngel në “klasë” 4 ditë para Suedisë

Shqipëri - Greuther Fuerth 1‑2

Shqipëria: Ujkani, Dallku, Cana, Curri, Veliu, Duro, Bulku, Skela, Hyka, Salihi, Bogdani

(U aktivizuan: Hidi, Vrapi, Lika, Vila, Berisha, Kapllani, Sefa, Shoshi)

Trajner: Josip Kuzhe

Grojther Fuerth: Gryn, Shruk (Kakoko 46′), Biliskov, Mojersberger (Meihelbek 46′), Falkenberg (Nehrig 46), Fyrstner (Kleineheisman 67′), Serdarusic (Rapp 67′), Haas (Mokhtari 46′), Myler, Sailer, Ghasemi, Nobaht (Katerna 67′).

Trajner: Benno Mëlmann

Shënues: Bogdani 11′ / Biliskov 21′, Myler 37′

Gjyqtarë: Gynter Perl, Karl Valentin, Matthias Zacher (Mynih)



Dje, në orën 14:00, kombëtarja e Shqipërisë në futboll, e drejtuar nga trajneri kroat Josip Kuzhe, ka zhvilluar një ndeshje miqësore me skuadrën e Bundesligës 2 gjermane, Greuther Fuerth, ku është mundur me rezultatin 2‑1. Kjo sfidë përbënte një test për kuqezinjtë dhe trajnerin e tyre, në kuadrin e përgatitjeve për ndeshjen e fundit eliminatore në Grupin 1, që do të luhet me 14 tetor në Suedi. Sikurse dihet, kombëtarja shqiptare gjendet prej disa ditësh në Frankfurt të Gjermanisë, ku po zhvillon përgatitjet e saj për kualifikuesen e Botërorit 2010 me Suedinë. Sipas mediave gjermane, loja ka nisur shumë e shpejtë dhe me shumë rivalitet nga të dyja skuadrat. Kjo duket qartë edhe nga formacionet që kanë hedhur në fushë që nga minuta e parë trajnerët respektivë. Të parët kanë kaluar në avantazh kuqezinjtë tanë, me golin e minutës së 11‑të, të shënuar nga Erion Bogdani. Më pas, në minutën e 21‑të, ka barazuar rezultatin Marino Biliskov për Greuther Fuerthin, ndërkohë që në minutën e 37‑të ka vulosur fitoren e gjermanëve Nikolai Myler. Me këtë rezultat ka përfunduar kjo miqësore, në të cilën trajnerët respektivë, veçanërisht ai i kombëtares kuqezi, Josip Kuzhe, ka aktivizuar shumë lojtarë, duke i provuar ata në pozicione të ndryshme, me qëllim që të konkludojë përfundimisht në formacionin titullar për ndeshjen e radhës, atë të 14 tetorit me Suedinë.





Trajneri Josip Kuzhe i ka besuar skemës që përdori ndaj Danimarkës

Haxhi i dëmtuar, nuk aktivizohet në miqësore

Në provën e vërtetë pra sfidës së fundit të grupit me Suedinë, Josip Kuzhe nuk ka mbetur i kënaqur. Jo thjesht nga rezultati, që ishte negativ (1-2), por edhe për shkak të mungesës së detyruar të futbollistit të Apoel Nikosias, Altin Haxhi. I grumbulluar pas dy vjetësh në kombëtare, 34-vjeçari gjirokastrit ka ndjekur miqësoren në distancë, pasi nuk mund të ishte vetë protagonist në fushën e blertë. Një dëmtim i lehtë i pësuar gjatë seancave stërvitore ka mjaftuar për të mos rrezikuar. Skema e përdorur nga Kuzhe ndaj Greuther Furthit ishte si me Danimarkën. Në fakt, nuk pritej ndonjë ndryshim esencial, përveç disa emrave që do të rreshtohen në krahun e majtë të mesfushës dhe mbrojtjes.

Ujkani në portë: Portieri i Novarës, pas disa ndeshjeve të mira me kombëtaren kuqezi, duket se e ka zënë vendin e titullarit, të paktën derisa të rikthehet Arjan Beqaj. Edhe dje Kuzhe i ka besuar Ujkanit që nga minuta e parë, që do të thotë se zgjedhja e portës për Suedinë nuk do të ndryshojë. Gjithsesi, gjatë ndeshjes ka pasur minuta edhe për Isli Hidin. Trajneri Josip Kuzhe nuk e shpallur formacionin, por nuk besohet se do të heqë dorë nga Ujkani.

Veliu në mbrojtje: Mbrojtësi i Flamurtarit është aktivizuar nga Kuzhe nga minuta e parë. Në fakt, kroati ka pasur të tjera plane për krahun e majtë të mbrojtjes, por ia ka prishur planet dëmtimi i Altin Haxhit, i cili nuk duhej të rrezikonte me Greuther Furthin. Gjatë ndeshjes Kuzhe ka bërë zëvendësime të shumta, ku në vend të Velit në krahun e majtë të mbrojtjes ka aktivizuar Endri Vrapin. Në qendër kroati ka pasur në dispozicion Maringlen Shoshin dhe Elvin Beqirin. Gjithesi, ky formacion i provuar dje nuk është përfundimtari, që do të hidhet në fushë ndaj Suedisë. Altin Haxhi sigurisht do të jetë zgjedhje e parë në të majtë të mbrojtjes, por nuk përjashtohet mundësia që kroati ta shtyjë në mesfushë, për të rritëm forcën sulmuese.

Hyka, Lika apo Haxhi? Mesfushori i Maincit ka pasur fatin të luajë titullar në miqësoren me skuadrën e Bundesligës 2, por vështirë të thuhet që në këtë pozicion do të jetë edhe në fillim të ndeshjes me Suedinë. Duro dhe Bulku mbeten të paprekur para mbrojtjes, ndërsa Salihi, sikurse me Danimarkën, ka qenë i spostuar nga e djathta. Ervin Skela mbetet mbështetësi pas shpinës së Erjon Bogdanit, që edhe në ndeshjen e radhës do të mbajë peshën kryesorë të sulmit. Kroati i pankinës kuqezi i ka provuar të gjithë futbolistët që ka pasur në dispozicion, por tashmë i ka idetë të qarta për 11-shen që do të hedhë në fushë në “Rasunda”. Enigma më e madhe mbetet roli i Altin Haxhit, në mbrojtje apo mesfushë. Futbollisti i vetëm shqiptar që luan në Ligën e Kampionëve në radhët e Apoelit të Nikosias ka qenë futbolisti i vetëm i cili nuk është aktivizuar në miqësoren e djeshme.



330 tifozë kanë ndjekur miqësoren

Sipas informacioneve të medias gjermane, kjo ndeshje është përcjellë nga rreth 330 shikues, një pjesë e konsiderueshme e të cilëve ishin emigrantë shqiptarë në këtë vend. Një shifër relativisht e vogël, por që e ka ndezur disi atmosferën në stadium.



Goli i Bogdanit, jashtë loje?

Erjon Bogdani ka shënuar në minutën e 11-të, pas një goditjeje standarde të futbollistëve tanë. Trajneri i Greuther Fuerthit ka pretenduar pas ndeshjes se Bogdani ka qenë në pozicion jashtë loje në momentin e goditjes së topit, mirëpo gjyqtari anësor nuk e ka parë pozicion të parregullt, duke e quajtur të vlefshëm golin.



Trajneri i Fuerthit: Shqipërisë s’i interesonte rezultati

Pas ndeshjes, ka folur trajneri i Greuther Fuerthit, Benno Mohlman: “E luajtëm këtë ndeshje miqësore, sepse dëshironim të ruanim ritmin e kampionatit dhe të ndeshjeve të vërteta. Zgjodhëm kundërshtare Shqipërinë, sepse e dinim që kjo përbënte një test të vërtetë për lojtarët tanë. Shqiptarët vërtet nuk kanë shanse për t’u kualifikuar për Kupën e Botës 2010, por para ndeshjes së fundit kualifikuese në grupin e tyre, kundër Suedisë, dëshironin të paraqiteshin sa më mirë para trajnerit të tyre. Ata shënuan gol të parët, por më pas ne baraspeshuam gjithçka, madje edhe fituam. Shqipëria bëri shumë ndërrime, sepse nuk i interesonte shumë rezultati, ndërsa ne i realizuam të dy objektivat: provuam disa lojtarë dhe fituam.”



Drejtuesit e Mynih 1860, 170 kilometra për të parë lojën e mesfushorit shqipta

Mynih-1860, skeptik për shërbimet e Skelës



Mesfushori dhe kapiteni i kombëtares shqiptare, Ervin Skela, kanë qenë në syrin mikroskopik të dy përfaqësuesve të Mynih 1860, trajnerit Evald Lienen dhe drejtorit sportiv Miki Stevic. Ata kishin udhëtuar rreth 170 kilometra për të parë në veprim kapitenin e Shqipërisë, Ervin Skela. 32 vjeçari i papunë shqiptar kishte dhënë një intervistë ekskluzive një javë e gjysmë më parë në faqen zyrtzare të Mynih 1860, se i pëlqente të bëhej pjesë e kësaj skuadre. Një sinjal i tillë i tërhoqi drejtuesit e Mynih 1860, që synojnë t’i japin impulse të reja mesfushës së tyre. Prandaj u vunë në gjurmët e Skelës, duke marrë rrugën për të ndjekur nga afër miqësoren Greuther Furth‑Shqipëri, që përfundoi 2‑1 në favor të skuadrës së Bundesligës 2 gjermane. Nuk kanë folur pas ndeshjes, por fytyra e tyre linte shumë të kuptohej, ashtu sikurse paraqitja e lodhur e 11 lojtarëve të Shqipërisë, ku dallim nuk ka bërë as Skela. Steviç dhe Lienen e kanë lënë para mbarimit të ndeshjes stadiumin, ku ishin të pranishëm rreth 330 tifozë, edhe për faktin se Skela u zëvendësua 20 minuta para mbarimit të kohës së rregullt. Zëvendësimi në fakt ishte një masë parandaluese nga trajneri i Shqipërisë, Josip Kuzhe, sepse Skela pësoi njëfarë tërheqjeje në kofshë. Në këtë mënyrë, pavarësisht se duhej të tregonte veten në sytë e dy drejtuesve të lartë teknik të Mynih 1860, Skela dhe trajneri i tij e panë të arsyeshme të mos rrezikonin, në mënyrë që kapiteni i Shqipërisë të jetë gati për ndeshjen e fundit eliminatore në grupin 1, ndaj Suedisë, më 14 tetor.

Para ndeshjes,në rrugën nga qyteti ku u luajt ndeshja miqësore për në stadium, Skela u takua me konsulentin Oliver Ëesterbeek. Të dy folën për një kohë të shkurtër dhe ranë dakord për të biseduar më gjerësisht të hënën. Dukej se përqendrimi i Skelës ishte tërësisht te kualifikuesja e radhës në Stokholm. Vetëm pas përfundimit të saj, të dyja palët do të ulen në tavolinë, për të marrë një vendim. Çfarë është e qartë për momentin? Mynih 1860 nuk është klubi i vetëm që është duke konkurruar për shërbimet e shqiptarit të papunë. Edhe TUS Koblenzi ka shfaqur interesim për kapitenin e Shqipërisë. Koblenci duket se do ta ketë të vështirë t’i arrijë shërbimet e shqiptarit. Pika plus e këtij klubi është Uve Rapolder, që është ulur në vendin trajnerit. Ai dhe Skela kanë punuar në një kohë të shkuar bashkë te Ëaldhof Mannheim dhe Arminia Bilefeld, ndaj e vlerësojmë shumë njëri‑tjetrin. Megjithatë, në të holla Koblenci ka pazar të ulët, nisur nga financat e tij të kufizuara. Dhe Skela, në një intervistë me “TZ‑online” ka lënë të kuptohet këtë javë se do të preferonte opsionet e tjera, ndoshta Mynih 1860. Por, paraqitja e tij në miqësoren e së shtunës, mes Greuth Furthit dhe kombëtares së Shqipërisë, nuk i ka justifikuar 170 kilometrat e bëra nga drejtuesit e Mynih 1860, deri në vendin e ndeshjes. Gjithsesi, bisedimet dhe interesimi i të dyja palëve mbeten krejtësisht të hapura.

Ky është raporti pas ndeshjes miqësore i gazetarit të “mercur‑online.de”, Armin Linder.







Dëmtohet Skela, por do të jetë me Suedinë

Brenda një dite, dy shqetësime mpër trajnerin Josip Kuzhe. Problemit shëndetësor i Altin Haxhit, i cili nuk luajti për asnjë minut në miqësoren me Greuther Furthin, i është shtuar edhe dëmtimi i Skelës. Kapiteni i kuqezinjve është zëvendësuar rreth minutës së 70-të, pasi ka ndier thimbje në kofshë. Trajneri Kuzhe ka preferuar ta ndërrojë sapo ka parë që me Skelën diçka nuk po shkonte. Sipas informacioneve pranë kombëtares, Ervin Skela do të jetë në fushë me Suedinë.



Shqipëria s’ka më frikë nga goleda

Fitorja e Danimarkës me Suedinë ka zgjidhur çështjen kryesore në grupin 1: ka përcaktuar skuadrën që do të kualifikohet direkt, Danimarka u bashkohet skuadrave të kualifikuara në botëror, ndërsa Suedia ka bërë një hap shumë të gabuar, pasi asgjë më nuk varet prej saj. Portugalia pret vetëm testin me Maltën për të zënë vendin e dytë. Tashmë nuk ekziston asnjë mundësi barazimi me pikë, që të futet në lojë golaverazhi. Suedia do të luajë për fitore me Shqipërinë, por nuk do t’i duhen shmë gola për t’u kualifikuar, sepse Portugalia e ka vetë në dorë fatin e saj.

Sporti Shqiptar , 2009-10-12 00:00:00